Education

اوپن یونیورسٹی فاٹا اور بلوچستان کے عوام کو میٹرک تک مفت تعلیم فراہم کرے گے

Written by admin

اسلام آباد  علامہ اقبال اوپن یونیورسٹی کے وائس چانسلر پروفیسر ڈاکٹر شاہد صدیقی نے کہاہے کہ یونیورسٹی کی جانب سے فاٹا اور بلوچستان کے عوام کو آئندہ سمسٹر سے میٹرک تک مفت تعلیم فراہم کی جائیگی ، یونیورسٹی نے اپنی تاریخ میں اس سے قبل کبھی کسی پورے علاقے کے باشندوں کے لئے مفت تعلیمی پالیسی متعارف نہیں کی تاہم اب فاٹا اور بلوچستان کے لوگ مفت تعلیمی پالیسی کی اس سہولت سے بھر پور فائدہ حاصل کریں گے ،ْ اوپن یونیورسٹی بحیثیت میگا یونیورسٹی اپنی تعلیمی ذمہ داریاں بھر پور انداز میں ادا کررہی ہے اور ملک کے کونے کونے میں موجود اپنے 13۔لاکھ سے زائد طلبہ و طالبات کو تعلیم و تربیت کی سہولتیں ان کے دہلیز پرفراہم کررہی ہی” ان خیالات کا اظہار انہوں نے ‘انگریزی زبان و ادب میں عصر حاضر کے رجحانات’کے موضوع پر منعقدہ کانفرنس کی اختتامی تقریب سے خطاب میں کیا۔اس موقع پر انہوں نے اعلان کیا کہ محققین کو تعلیمی معاونت کی فراہمی کے لئے یونیورسٹی اگلے سال انگریزی زبان کا خصوصی ریسرچ جرنل شائع کرے گی۔

ڈاکٹر شاہد صدیقی نے انگریزی زبان کو آسان اور عام فہم بنانے کے لئے زبان کے موضوعات کے حدود کو بڑھانے کی ضرورت پر زور دیا۔ تین سال کی کارکردگی اور کامیابیوں کا ذکر کرتے ہوئے ڈاکٹر شاہد صدیقی نے کہا کہ ریسرچ کلچر کے فروغ کے لئے اقدامات کے نتیجے میں یونیورسٹی نے ریسرچ جرنل کی اشاعت اور کانفرنسسز کے انعقاد کی ایک نئی تاریخ رقم کی ہے ۔

ریسرچ کے نتائج پالیسی میکرز اور سٹیک ہولڈرز تک پہنچانے کے لئے یونیورسٹی نے تین سال کے قلیل عرصے میں 14۔ریسرچ جرنل شائع کئے جبکہ اس سال کے آخر تک یہ تعداد 17۔ہوجائے گی ،ْ اسی طرح 24قومی و عالمی کانفرنسسز منعقد کی جاچکی ہیں۔سماج کی بنیادی ضروریات سے متعلق مختلف موضوعات پر 26۔نئے تعلیمی پروگرامز متعارف کئے۔ تعلیمی نیٹ ورک میں توسیع ،ْ سیاست اور بین الاقوامی تعلقات ،ْ نفسیات اور ٹرانسلیشن کے شعبہ جات قائم کردئیے ہیں۔ دو روزہ کانفرنس میں ماہرین تعلیم کے بحث و مباحثوں کے بعدانگریزی زبان کے کوریڈور کو بڑھانے کے لئے مختلف تجاویز پیش کی گئیں۔کانفرنس کا اہتمام شعبہ انگریزی نے ایچ ای سی کے تعاون سے کیا تھا۔

حوالہ

About the author

admin

Is An Online Platform

For Latest Gist On News, Entertainment, Business Tips & Updates, Dating Tips, My School News And More To Explore From Us.

Leave a Comment