انسٹاگرام نے بھی ‘تھرو بیک’ فیچر متعارف کروا دیا

فوٹو شیئرنگ ایپلی کیشن انسٹاگرام نے اسنیپ چیٹ کے ایک اور فیچر کی نقل کرتے ہوئے نیا ‘تھرو

بیک’ فیچر متعارف کرادیا۔

اسنیپ چیٹ میں صارفین کے پاس میموریز فیچرز کے ذریعے یہ سہولت موجود ہے کہ وہ اسٹوری فیچر میں اپ لوڈ کی گئی گذشتہ تمام تصاویر اور ویڈیوز کو 24 گھنٹے بعد شیئر اور دیکھ سکتے ہیں اور  یہی سہولت اب انسٹاگرام کے صارفین کو بھی فراہم کردی گئی ہے۔

صارفین اس فیچر کی مدد سے اپنی وہ تمام پرانی تصاویر اور ویڈیوز دیکھ سکتے ہیں جو بطور اسٹوری وہ اپ ڈیٹ کرچکے ہیں اور صرف یہی نہیں بلکہ وہ انہیں ایک بار پھر سے اپنے تمام ساتھیوں سے شیئر بھی کرسکتے ہیں۔

انسٹاگرام اسٹوری فیچر فوٹو—۔

اس فیچر کو استعمال کرنے کے لیے اسٹوری فیچر آپشن پر کلک کرنا ہوگا جہاں نئی اسٹوری اپ لوڈ کرتے وقت پچھلی اسٹوریز بھی واضح ہو جائیں گی۔

ان تصاویر اور ویڈیوز پر علیحدہ سے ایک اسٹیکر واضح ہوگا جو اسٹوری کی تاریخ اور وقت کو بھی واضح کردے گا۔

اس سے قبل بھی انسٹاگرام اپنے صارفین کی آسانی کے لیے کئی نئے فیچرز متعارف کروا چکا ہے۔

انسٹاگرام کمپنی کے مطابق اس فیچر کو گزشتہ روز سے ہی تمام آئی او ایس اور اینڈرائیڈ صارفین کو فراہم کردیا گیا ہے۔

Source

Author: admin
Is An Online Platform For Latest Gist On News, Entertainment, Business Tips & Updates, Dating Tips, My School News And More To Explore From Us.

Leave a Reply

Your email address will not be published.